الفرق بين القاضي المقيم وقضاء القرب

 أشنو هو الفرق بين القاضي المقيم وقضاء القرب؟.

الفرق بين القاضي المقيم وقضاء القرب فهدا الاخير يمارس اعماله في المحاكم الابتدائية اما القاضي المقيم

فهو يمارس اعماله في المراكز التابعة للمحاكم الابتدائية بالدائرة الترابية.

النضام السياسي

النظام السياسي:

شنو كنقصدو ب النظام السياسي

خاصك تعرف بلي راه كل دولة و عندها نظاما خاص بيها ✅

و فاش كنقولو نظام سياسي راه هو مجموعة من القواعد لي كتبعها الدولة باش دير خدمتها وسط واحد مجال ترابي معين .

و هدا النظام هو نظام شامل يعني شنو؟

يعني ممرتبطش ب شي سلطة معينة بوحدها ولا شي مؤسسة هي لي مكلفة كدير ما بغاات.

كااع القرارات لي كتصدر  في هدا النظام ملزمة على مكونات ديال المجتمع باش يطبقوها .

شركة التضامن SNC

 شركة التضامن SNC هي شركة تجارية خاص جميع الشركاء لي فيها تكون عندهم صفة ديال تاجر (la qualité de commercant) و كيتسألو فيها الشركاء بصفة غير محدودة وعلى وجه التضامن عن ديون الشركة .

لإيجابيات ديال هاد الشكل لقانوني SNC : 

1- مكينش حد أدنى ديال رأس المال .

2 - سهولة ف تأسيس .

3 - شريكين على لأقل كافين لتأسيس شركة.

4 - لحرية فختيار النضام الضريبي (RNR أو RNS أو IS).

سلبيات : 

1 - هي الشركة الوحيدة التي تعطي لكل الشركاء فيها صفة تجار. 

2- يجب على كل الشركاء أن يتوفروا على صفة تجا.

3- عدم إمكانية تفويت الحصص دون موافقة كافة الشركاء ماشي بحال SARL لي خصك لموافقت ديال 3/4 ديال شركاء, (تقدر ترجع لصفحة و غادي تلقى موضوع لي هدرنا فيه على SARL ) .

4 - فلحالة ديال وفاة  أحد الشركاء كتحل الشركة ولاكن ممكن تستمر الا الشركاء دارو شرط فالقانون الاساسي ديال الشركة بلي فحالة الوفاة تقدر الشركة تستامر فالخدمة .

الايجابيات والسلبيات ديال SARL

 قبل هدرنا على تعريف ديال SARL و كيفاش كتخدم دبا غادي نهدرو على ايجابيات و سلبيات ديالها : 

الايجابيات ديال هاد الشكل القانوني SARl :

1- مكاينش حد أدنى لرأسمال الشركة.

2- تجميد الرأسمال (blocage de fond) ماشي إلزامي إلا إذا تجاوز 100.000 درهم.

3- لمسؤلية ديال الشركاء محدودة بقدر مساهمتهم في رأس المال.

4 - ماشي إلزامي دير مراقب للحسابات  ( commissaire aux comptes ) حتى كيتجاوز ( chiffre d'affaire ) رقم معاملات 50.000.000 درهم.

5 - إمكانية اعتبار الشريك عاملا أو أجيرا ولذلك فهو يتمتع بالحماية الاجتماعية للمأجورين على لعكس ديال الشخص الداتي (personne physique) لي هدرنا عليه من قبل فالصفحة.

6 - إعفاء لمدة 3 سنوات لولة من  الحد الأدنى ديال الضريبة (cotisation minimale ).

7 - إعفاء لمدة 5 سنوات لولة من الضريبة المهنية (la taxe professionnelle).

السلبيات : 

1- تقدر تكون مسألة ديال المسير ( le gérant) عن ديون الشركة إذا تبين ارتكابه لأخطاء في التسيير.

2 - كينين بزاف ديال لإجرأت لقانونية  ( جمع عام سنوي إلزامي للمصادقة على حسابات الشركة، أي تغيير في القانون الأساسي للشركة يستوجب عقد جمع عام استثنائي...).

3 - لفلوس لي فالشركة ميقدروش الشركاء اهزوهم فاي وقت و إلى هزهم كيتعتبرو سلف كيفما شرحنا فلمقال لي قبل.

4 - الحد الأدنى ديال الضريبة (cotisation minimale ) لي كيبدا اتخلص من مورا 3 سنوات لولة هو 3000 درهم كتر شوية من (personne physique).

يتبع : لمرات جاية غادي نهدرو على شركة التضامن SNC  .

SARL

 قبل هدرنا على الشخص الداتي (personne physique)  ليوم غادي نهدرو على الشركة ذات المسؤولية المحدودة SARL.

أول حاجة خصنا نعرفو بلي SARL فيها جوج ديال أنواع :

1 ا: (SARL'AU) : الشركة ذات المسؤولية المحدودة دات الشريك الواحد هاد نوع عدد الشركاء مكيفوتش واحد

2 ا: (SARL) : الشركة ذات المسؤولية المحدودة هاد نوع عدد الشركاء كيبدا من 2 و مكيفوتش 50 وإلا فات 50 خصها ضروري الشكل لقانوني ديال الشركة اتحول لشركة مجهولة ولمعرفا أيضا بإسم شركة المساهمة (SA) غادي نهدرو عليها من بعد.

تعريف : الشركة ذات المسؤولية المحدود:

ا- SARL هي شركة تجارية كتشكل وسيط ما بين شركات الأشخاص و شركات رؤوس الأموال، رأس المال (capital) كيتكون من حصص ( les parts sociales )، ولقيمة ديال هاد لحصص مخصهاش تكون قل من 10 دراهم.

ا- SARL كتاخد الصفة المعنوية فاش كتسجل فالسجل التجاري، الصفة المعنوية personne morale  كتعني بزاف ديال الأشخاص و حتى الشركات كيخدمو مجموعين تحت إسم واحد باش احققو هدف واحد و لي هو الربح و هاد الشركاء كيكونو مسؤولين عن ديون الشركة بقدر حصصهم  في رأس المال.

- وكتعتابر هذه الصيغة القانوني هي الأكثر شيوعا في المغرب.

تنويه : ( حتى الشركات اقدرو ادخلو شركاء (associé) ف SARL و اكون عندهم حصص (des parts sociales )

كيفاش كتخدم SARL : بزاف ديال ناس معرفنيش كيفاش كتخدم الشركة و من لمهم صاحب الشركة هاد مسائل:

-فايت لينا تكلمنا فالصفحة على الشخص الداتي (personne physique ) و قلنا بلي  الممتلكات المهنية و الشخصية للمقاول،كيتعتابرو شيء واحد من الجانب القانوني، يعني لفلوس ديال الشركة و فلوس الشريك (l'associé) هما حاجة وحدة، فالشركة ذات المسؤولية المحدودة (SARL) كاين لعكس ديال هاد لهضرة بحيت كين فرق بين فلوس الشركة و فلوس الشريك (l'associé)، و إلى وقع شي مشكل فعدم الوفاء بسداد الديون و جا السيزي، لقانون كيسزي غير لممتلكات ديال شركة و مكيتدخلش فممتلكات الشركاء ولكن اقدر اتدخل غير فممتلكات ديال المسير الشركة (le gérant) فحالت تبوت إرتكاب ديالو لشي خطأ جسيم.

- خصنا نعرفو أيضا بلي الشريك (l'associé) عندو لحق اهز فلوس من شركة مرة وحدة فلعام فاش كيدار الجمع العام العادي (l'assemblée generale ordinaire ) كيتقرر شحال غادي اهز ديال فلوس (affectation de resultats) و كيخلص عليهم ضريبة ديال %15 و هدوك فلوس لي كيهز هما لأرباح (dividende) .

 - و إلى هز فلوس من شركة وسط لعام وخا ديالو شركة راه كيتعتبر بحل الشركة سلفاتو فلوس و خاصو ارضهم لها من بعد، حيت كيبقاو بينين ف (le compte courant d'associé)، و لعكس إلى هو حط فلوس من جيبو يعني خلص شي حاجة على الشركة، كيتعتبر هو مسلف شركة و خص الشركة من بعد ترد ليه فلوسو.

-و إلى كان هو شريك و مسير فنفس الوقت  (associé gérant) راه كتكون عندو أجرة (salaire) كيخدو كل شهر زائد لفلوس لي كيقدر اهز فلاخر ديال كل عام مرورا الجمع العام العادي، و كيكون عندو لحق ف CNSS ولكن إلى كان غير شريك و مشي مسير معندوش لحق ف CNSS.  

ا- SARL اقدر اكون فيها كتر من مسير واحد (gérant et co-gérant).

باش مايكونش هادشي طويل بزاف فلمقال لي تابع هدا غادي نهدر على لإيجابيات و السلبيات ديال SARL.

يتبع ...

الشخص الداتي

قبل هدرنا على المقاول الداتي ( l'auto entrepreneur ) ليوم غادي نهدرو على الشخص الداتي (personne physique) .

تعريف : المقاولة الفردية أو الشخص الداتي :

أول حاجة خصنا نعرفو بلي حتى personne physique راه شركة حيت بزاف كيحسبليه بلي لا.

فالإطار ديال هاد الشكل القانوني مكينش فرق بين المقاول و المقاولة، بحيت كيتعتابرو الممتلكات المهنية و الشخصية للمقاول، شيء واحد من الجانب القانوني، و هاد شي لي كخلي ارباحها تعتبر مداخيل لمالك المقاولة (على العكس ديال شركة ذات مسؤولية محدودة)، و هاد شي أيضا لي كيخلي المقاول مسؤولا بصفة شخصية عن ديون الشركة، يعني إلى وقع شي مشكل فعدم الوفاء بسداد الديون و جا السيزي، لقانون مكيفرقش مابين الممتلكات المهنية و الشخصية للمقاول، و كيتم  حجز أملاكه الشخصية، (على العكس ديال شركة ذات مسؤولية محدودة) لي غادي نهدرو عليها من بعد.

****************************************************************

الاجابيات ديال هاد الشكل القانوني: 

1 مكينش فيه حد أدنى لرأس المال .

2 ساهل فاجراءت التأسيس بحيت مفيهش النضام الأساسي (les statuts) .

3 الحد الأدنى ديال الضريبة (cotisation minimale ) لي كيبدا اتخلص من مورا 3 سنوات لولة قليل هو 1500 درهم.

4 المقاول هو القائد ، كيتصرف بكل استقلالية وحرية فالمقولة.  

5 كيقدر اولي عندك سجل تجاري و كتحمي راسك ولمحل لي كتخدم فيه و تقدر دير بيه الاصل التجاري (fond de commerce).

***************************************************************

السلبيات :

1 عدم التمييز بين صاحب المقاولة و مقاولته بحيت كيتعرض للمساءلة عن الديون و عن ممتلكاته الشخصية .

2 حجم المقاولة صغير بحيت مكيخولهاش جدب اهتمام المستثمرين لأخرين .

3 ضريبة على المداخيل كتقدر توصل حتال %38.

4 ميمكنش لشخص داتي ادكلري راسو ف (CNSS) اقدر اصرح بناس لي خدامين عندو ولكن راسو لا و هادي من أهم السلبيات ديال هاد الشكل القانوني.

 ***************************************************************

أمتلة ديال الناس لي مزيان لهم هاد الشكل القانوني :

دروجري، أصحاب قطع الغيار ديال الطمبلات، صحاب المخبزات، الصيدليات، المحامين، الأطباء و المترجمين (هاد جوج الأخيرين مجبرين اديرو هاد الشكل القانوني باش يزاول المهنة ).

يتبع : لمرات جاية غادي نهدرو إنشاء الله على الشركة ذات مسؤولية المحدودة (SARL). 

المقاول الذاتي

 المقاول الذاتي :

أول حاجات بغيت نقول لكم بلي كل مرت غادي نحطو تعريف على شكل من الأشكال القانونية،لشركات،باش ناس لبغاو يديرو شركة، ولمتدربين فمجال المحاسبة تكون عندهم فكرة أولية على لمجال ونقربو لمعلومات من ناس بطريقة مبسطة.

تعريف المقاول الداتي:   

هو نضام خلق و تسير مبسط لمقولة، من ناحية القانونية و المحاسبة و الضرائب، كيمكنك من إمكانية الفوترة ولكن ب HT ماشي TTC

+شروط هاد النضام : 

1رقم المعاملة فسنة مخصوش افوت 500.000 درهم بنسبة لانشطة الصناعية والتجارية والحرفية و 200.000 درهم بنسبة للخدمات (prestation de service) 

2 المقاول الداتي ميمكش اكون فنفس الوقت موضف أو مأجور (ولكن هادي غير شكليات حيت شحال من واحد دارها و هو مأجور) 

+ ايجابيات المقاول الداتي : 

1 نضام جبائي مبسط : نضام جزافي (forfait) محدد ف %0,5 من رقم المعاملات (chiffre d'affaire) بنسبة لانشطة الصناعية والتجارية والحرفية، و %1 بنسبة لانشطة ديال الخدمات 

2 المقاول الداتي معفي من الضريبة على الدخل ار و معفي كدالك من الضريبة على القيمة المضافة (TVA)، و فخمس سنوات لولة معفي من الضريبة المهنية (la taxe professionnelle) 

3 كيستفد من نضام خاص ديال التغطية الاجتماعية و الصحية بشروط محددة بتشريع خاص

4 امكن ابدا النشاط ديالو بلا مقر (siege social) وبلا راس المال (capital) امكن ليه ادير لعنوان على السكنة ديالو مع عدم إمكانية تعرض حجز لسكن ديالو فلحالة ديال ديون (crédit) 

*************************************************************

+ دبا نجيو لوجبات لمقاول الداتي : 

1: كل 3 أشهر خصك تحط عند شي وكالت ديال بريد المغرب تصريح برقم المعاملات برقم المعاملات و امكن دير هاد تصريح حتى على طريق لأنترنيت 

2: إحترام لقوانين لمتعلقة بممارسة نشاط ديالو 

3: إصدار فواتير على كل خدمة دارها ول حاجة باعها ب HT

4 : اخدم بوحدو حيت ميمكنش إخدم معاه شي واحد 

لتحت غادي تلقاو لأنشطة المسموح لمقاول داتي ازاولها وحتى لأنشطة لممسموحش ليه ازاولها .

************************************************************

يتبع : لمرات جية غادي نهدرو على الشخص داتي (personne physique).

CNSS

 CNSS

بزاف ديال الناس خدامين و عندهم CNSS ولكن مكيعرفوش من مورا سنين طويلة ديال الخادمة شحال غادي ابقا لهم فالتقاعد فهاد المقال غادي نشرحو كيفاش CNSS كيتحسب التقاعد 

+اولا: تعريف CNSS :

او الصندوق الوطني للضمان الاجتماعي هو صندوق كيقدم مجموعة من الخدمات للموطنين (لي خدامين فالقطاع الخاص)، من بينها التعويض على فقدان الشغل(CHOMAGE)، التعويض على المرض (AMO), الحصول على تقاعد(   la retraite  )... 

+تانيا : الاقتطاعات :

- كتساهم نت كعامل، ف cnss باش تشد تقاعد ب %6.74 فالمئة من الصلير الخام (مايسمى ب salaire brut imposable ).

- و المشغل ديالك كيخلص عليك كدالك تقريبا %21،09 من (salaire brut imposable) . 

+ثالثا : كيفاش تحسب التقاعد ديالك :

كيخصك تكون وصلتي ل 60 سنة . 

وخصك تكون جمعتي 3240 نقطة ( نقطة = يوم عمل) بمعنى خصك تكون خدمتي 3240 يوم دكلاري . لي ممكن تجمعها ف تقريبا 11 عام من العمل.

3240 نقطة كتعطيك الحق تستافد بتقاعد ديال 50% ديال الصلير المتوسط باش كنتي خدام 8 سنوات الاخيرة( 96 شهر) نعطيك متال : اخر 96 شهر خدمتي ب 4000 درهم. كناخدو هد 4.000 درهم ضارب 50% غتعطينا تقاعد ديال 2.000 درهم .

لكن السؤال لي ممكن تسول دبا هو الا متلا وصلتي ل كتر من 3240 نقطة. متلا 5000 نقطة واش غضيع فالنقاط لي شايطين؟ طبعا لا هنا cnss كتقول ليك على كل 216 نقطة(يعني كل عام ديال خدمة) زايدة على 3240 غنزيدك 1% على 50% .

نعطيو متال باش نفهمو كتر نفترض انت وصلتي ل 5000 نقطة : كناخدو 5000 ناقص 3240 تساوي 1760.

كناخدو هد 1760 لي شاط كنقسموها على 216 تساوي % 8.14 , يعني غتزيدك % 8.14 على %50 لي ديجا غتاخد و غتساوي % 58.14.

 ونفترض تخلصتي ف اخر 96 شهر بصلير ديال 4.000 درهم . كناخدو 4.000 ضارب % 58.14 غتعطينا تقاعد ديال 2.325,60 درهم.

-غير للمعلومة اكبر نسبة ممكن توصل ليها هيا 70% و الصلير مسقف ف 6.000 درهم، بمعنى اخر اكبر صلير تقاعد ممكن توصل ليه هو 4200 درهم شهريا.

-للمعلومة ايضا واش الى بغيت متلا يكون عندي تقاعد كبر من 4200 درهم واش من حقي. اه طبعا لكن خصك تكون متلا مشتارك فصندوق CIMR (غادي نشرحه فمقال أخر من بعد انشالله) حتى هدو كتخلص فيه كل شهر وفاش كتوصل لتقاعد ديالك كيزيدوك شي بركة فالصلير على حسب انت شحال بغيتي وشحال كنتي كتخلص ليهم. 

+رابعاً : واش من حقي نسترجع التعويضات ديالي في حالة ماوصلتش ل 3240 نقطة:

هنا cnss دايرة ليك 2 ديال الاختيارات: 

الاختيار الاول : التأمين الاختياري 

يائما تكمل النقاط لي خاصينك بالفلوس و كيتسمى التأمين الاختياري وضروري تكون جمعتي على الاقل 1080 نقطة وضروري ايضا تكون وقفتي على الخدمة وضروري ايضا دير طلب في غضون عام من نهار وقفتي على الخدمة.

و الاختيار التاني : استرجاع مبلغ الاشتراكات

هنا cnss كتقول ليك من حقك ترجع الفلوس لي كنتي كتخلص ليا بشرط كون وصلتي ل 60 سنة و ماتكونش خدام وماتكونس ستفدتي من شي معاش كتعطيه او كتقترحو cnss. 

(هنا متلا الا قدر الله شي أب او أم توفات راه من حق دوي الحقوق يطالبو بسترجاع الاشتراكات. )

المساعدة القضائية

 المساعدة القضائية :

كاملين كنسمعو بالمساعدة القضائية ومعرفناش اشنو كتعني 

في هدا المنشورغادي نعرفو اشنو هي المساعدة القضائية  ؟

• مفهوم المساعدة القضائية :المساعدة القضائية هي واحد الاجراء كيمكن الاشخاص المعسرين من التقاضي بالمجان دون اداء اي رسوم. وتمنح حتى للمؤسسات العمومية الدي لا تتوفر على امكانيات مالية للتقاضي. 

• -والمساعدة القضائية نوعان.         

*مساعدة بناءا على طلب :لا تمنح الا ادا توافرت الشروط التي ينص عليها المرسوم المؤرخ في 1966 ولي كتمتل في تقديم طلب واتبات العسر. 

*مساعدة بقوة القانون :لا تستوجب الشروط السابقة  وإنما يكفي أن يكون المستفيد ممن متعهم القانون بالمساعدة القضائية لغاية معينة كما هو الشأن بالنسبة للاجراء في مجال الشغل. 

• الجهة المكلفة بالبت في طلبات المساعدة القضائية :يبت في طلب الاستفادة من المساعدة  القضائية على حساب الجهة لي تعرض عليها القضية.  

*مكتب المساعدة القضائية في المحكمة الابتدائية.

*مكتب المساعدة القضائية في محكمة الاستئناف.

*مكتب المساعدة القضائية في محكمة النقض . 

• الوثائق لي خاصك تجيب مع الطلب ديال المساعدة القضائية : *طلب خطي موجه الى الملك او الى الوكيل العام للملك لدى محكمة الاستئناف او النقض.

*شهادة تتبت العسر 

*شهادة الاعفاء او عدم الخضوع للضرائب 

*نسخة من المقال 

*صورة شمسية مع بطاقة التعريف الوطنية 

-فاش كتقدم الطلب كتقوم النيابة العامة بواحد البحت لتاكد من عسر صاحب الطلب ادا تبين عسره منحت له المساعدة القضائية وإدا تبين العكس رفض الطلب .

ولدى صاحب الطلب اجل15يوم للطعن في ويحتسب من يوم التبليغ. 

• ويمكن سحب المساعدة القضائية سواء قبل الحكم او بعده في الحالات التالية. 

*ادا اصبح المستفيد متوفر على موارد كافية 

*ادا تنازل على الدعوى او وقوع صلح بين الطرفين 

*ولا ظهر ليهم ان المستفيد معاطيش شي اهمية للدعوة مباغيش يتابع الدعوى

إغلاق الحساب البنكي في مدونة التجارة

 المادة 503.

- يوضع حد للحساب بالإطلاع بإرادة أي من الطرفين، بدون إشعار سابق إذا كانت المبادرة من الزبون ومع مراعاة الإشعار المنصوص عليه في الباب المتعلق بفتح الاعتماد إذا كانت المبادرة من البنك.

غير أنه وجب أن يوضع حد للحساب المدين بمبادرة من البنك إذا ‏توقف الزبون عن تشغيل حسابه مدة سنة من تاريخ آخر عملية دائنة مقيدة به.

وفي هذه الحالة، يجب على البنك قبل قفل الحساب، إشعار الزبون بذلك بواسطة رسالة مضمونة في آخر عنوان يكون قد أدلى به لوكالته البنكية.

مهام مندوبي الأجراء

 مهام مندوبي الأجراء:

- تقديم جميع الشكايات الفردية، المتعلقة بظروف الشغل الناتجة عن تطبيق تشريع الشغل أو عقد الشغل، أو اتفاقية الشغل الجماعية أو النظام الداخلي، إلى المشغل، إذا لم تقع الاستجابة لها مباشرة ؛

- إحالة تلك الشكايات إلى العون المكلف بتفتيش الشغل، إذا استمر الخلاف بشأنها.

-الاطلاع على مشروع النظام الداخلي

-استشارته في اعتماد التوزيع السنوي لساعات العمل

-استشارته في حالة تقليص ساعات العمل لاسباب اقتصادية عابرة

-استشارته للحد من تقليص ساعات العمل

-موافقته لتمديد العمل بالتقليص من ساعات العمل ادا استمرت الازمة الى ما فوق 60 يوم .

-استشارته لتمديد فترة الشغل اليومية لاستدراك ساعات الشغل الضائعة في حالة توقف الشغل جماعيا في مؤسسة أو في جزء منها لأسباب عارضة أو لقوة قاهرة

-تحديد تواريخ العطلة السنوية بعد استشارة مندوبي الأجراء

-يستشار لتسريح العمال على إثر إغلاق الموسسة لضروف اقتصادية أو بنيوية أو تكنولوجية

-يستشار لاجتناب التسريح او للحد من اتاره السلبية

-عضو في لجنة الصحة و السلامة المهنية

-عضو في لجنة المقاولة

-مآزرة الاجراء موضوع اجراء تاديبي اتناء جلسة الاستماع

-يبدي رأيه في تسيير المصلحة الطبية للشغل

طرق انتهاء مهام مندوبي الأجراء

 ►طــرق إنـتـهـــاء مـهـــام مـنـــدوبــي الأجـــراء◄

         تنتهي مهام مندوبي الأجراء بطريقة عادية ، أو بطرق إستثنائية:

 الطريق العادية لانتهاء مهمة مندوب الأجراء:

تنص الفقرة الأولى من المادة 434 مدونة الشغل على ما يلي:                                              

" ينتخب مندوبو الأجراء لمدة يتم تحديدها بمقتضى نص تنظيمي."

يتبـيَّـن من مضمـون المادة أنَّ مهمة مندوب الأجـراء ، تنتهي بإنتهاء مدة إنتدابه والتي تحدد بنص تنظيمي، وكانت هذه المـدَّة محـدَّدة في سـتِّ سنــوات في ظـلِّ ظهـيـر 1969/10/29، المـتـعـلــق بـالنيــابـة عـن المستخدميـن داخـل المقـاولات، والملغـى بمقتضـى المـادة 586 من م.ش.

الطرق الاستثنائية لإنتهاء مهمة مندوب الأجراء:

إنطلاقا من المادة 435 من مدونة الشغل تنتهي إستثنائيا مهمة مندوب الأجراء بإحدى الطرق التالية :

          ✅وفاة مندوب الأجراء:                                                                              تنتهي مهام مندوب الأجراء بوفاته ، ويخلفه في ذلك نائبه الذي يصبح مندوبا أصليا ، إلى حين حلول موعد إنتخابات مندوبي الأجراء .

           ✅ســحـــب الـــثــقــــة :

تنتهي مهمة مندوب الأجراء كذلك بسحب الثقة منه مرة واحدة ،بقرار يتخذه ثلثا الأجراء الناخبين ، مصادق على صحة إمضائه ، وذلك بعد مرور نصف مدة الانتداب . 

           ✅ الاســـتــقـــــــالــة :  

          تنتهي مهمة مندوب الأجراء كذلك باستقالته،غير أن المشرع لم يبين لنا الجهة التي ستقدم لها هذه الاستقالة، هل هي هيئة مندوبي الأجراء أم المشغل أم العون المكلف بتفتيش الشغل، وجوابا على التساؤل المطروح جاء في قرار للمجلس الأعلى عدد 1027 صادر بتاريخ 98/10/20 ما يلي: "..ذلك أنَّ المشغل غير ملزم بإخبار مفتش الشغل بإستقالة مندوب العمال..وبما أن القانون لا يشترط أي شكل لإستقالة المندوب،لأن هذه المسألة تهُـمُّ مكتب المندوبين..كما أنَّ المشغل لا يملك صفة قبول أو رفض الاستقالة لأنَّه لم يقم يإنتخابه .

من حيثيات القرار أعلاه، يتبين أنَّ الجهة المـؤهلة لقبـول إستقالة مندوب الأجراء، هي هيئة المنـدوبين (مكتـب المنـدوبيـن)، وحبَّـذا لو تـدَخَّـل المشـرِّع فبيَّـن الشكـل الذي يجـب أن تتخـذه إستقـالة منـدوب الأجراء من مهامه، خصوصا في الحالة التي يكون فيها مندوب للأجراء واحد ووحيد في المقاولة.

        ✅  بلوغ السن القانوني للتقاعد :

تنتهي مهمة مندوب الأجراء ببلوغه السن القانوني للتقاعد وهو ستون سنة مع مراعاة مقتضيات المادة 526 م.ش وكذا الفصل 53 من الظهير المتعلق بالضمان الاجتماعي.

         ✅ انـــهـــــاء عـقـــــد الـشـغــل :

تنتهي مهمة مندوب الأجراء كذلك بإنهاء عقد الشغل .

         ✅ صـــــــــــــدور حــــــكــــــــم :

تنتهي مهمة مندوب الأجراء كذلك متى صدر في حقه حكم نهائي، إما بعقوبة جنائية أو بعقوبة حبس نافذة من أجل جناية، أو جنحة باستثناء الجرائم غير العمدية ما لم يرد اعتباره.

مندوبي العمال

1-من هم مندوبو العمال ؟

يُنْتَخَبُ، لمدة يحددها القانون،  مندوبو  العمال في جميع المؤسسات التي تشغل اعتياديا عشرة أجراء دائمين وأكثر.

أما  في مقاولات أقل من 10 عمال فيتم ذلك بمقتضى اتفاق كتابي.

2- – من يصوت؟

يشارك في التصويت العامل-ة البالغ-ة من العمر 16  سنة فما فوق، القاضي في العمل 6  أشهر على الأقل. إن كان عاملا موسميا وجب عليه استيفاء 156 يوم من الشغل غير المتواصل خلال المواسم الفارطة، ولم يصدر عليه أي حكم نهائي.

3- – من يترشح؟

يمكن أن يترشح لمهمة مندوب  العمال من له جنسية مغربية ، بالغ 20  سنة بالأقل،  و له أقدمية عمل لمدة متصلة لا تقل عن سنة. ولا يترشح  أقارب المشغل (أصوله وفروعه ) وإخوته وأصهاره المباشرين.

وفي المؤسسات ذات النشاط الموسمي يعتبر بمثابة سنة  عمل قضاء 104 أيام من الشغل غير المتواصل في الموسم الفارط

4- – حماية المندوب

يحمي القانون مندوب  العمال من تعسفات رب العمل:

–              كل تنقيل لمندوب عمال رسمي أو نائبه، إلى مكان عمل آخر، او توقيف أو طرد  لا يكون إلا بمقرر يوافق عليه مفتش الشغل.

–                ينطبق هذا على قدماء مندوبين مدة 6 اشهر  التالية لانتهاء مهامهم، وعلى من ترشح  مدة 3 اشهر بعد اعلان نتائج الانتخابات

–              وفي حالة ارتكاب مندوب العمال  لخطأ جسيم يوقفه المشغل حالا ويخبر مفتش الشغل بالإجراء

–              يعوض  مندوب العمال (رسميا أو نائبا) عن الطرد بزيادة نسبة 100 بالمائة.

5- – إنتهاء مهمة المندوب:

تنتهي مهمة مندوب العمال بوفاته، أو  بالاستقالة، أو سحب الثقة، أو  التقاعد، أو إنهاء عقد الشغل، أو الحكم عليه بحكم نهائي بعقوبة جنائية أو عقوبة حبس جنائية نافدة بسبب جناية أو جنحة باستثناء الجرائم غير العمدية ما لم يرد اعتباره.

إذا توقف المندوب الأصلي، عن مزاولة مهامه ، خلفه المندوب النائب من فئته المهنية، والذي ينتمي إلى لائحته الإنتخابية، ويصبح عندئذ، مندوبا أصليا، إلى أن تنتهي مدة انتداب العضو الذي حل محله.

6-  عزل مندوب العمال:

 يمكن، بعد مرور نصف مدة الانتداب (3 سنوات في الحالة العادية) عزل مندوب العمال  بقرار مصادق على صحة إمضائه يوقعه  ثلثا (3/2)  العمال الناخبين.

7-  – مهام مندوب العمال:

دور مندوب العمال تقديم شكايات العمال الفردية غير المستجاب لها مباشرة من قبل المشغل، بشرط ان  تتعلق بتطبيق قانون الشغل او عقد الشغل او الاتفاقية الجماعية او النظام الداخلي. ما يعني ان بإمكان العامل أن يقدم مباشرة شكايته الى رب العمل حتى دون وساطة مندوب.

كيفية تقديم الشكاية :

لا يقدم المندوب شكاية العامل إلا بعد تلقي المشغل الشكاية من العامل ورفضها.

يمكن للمشغل ان يرفض الشكايات التي يقدمها مندوب العمال قبل ان يقدمها العامل المعني بها.

 8 –  – إبلاغ مندوب العمال و استشارته :

يجب اطلاع مندوب العمال على النظام الداخلي للمؤسسة وكل تعديل له

–  يجب أن يسلم إلى مندوبي الأجراء نسخة من تقرير المصلحة الطبية (سيرها وتدبيرها المالي)

–  ينتخب المندوبين ممثلين لهم في لجنة السلامة

إذا أراد المشغل طرد العمال، او بعضهم، لأسباب تكنولوجية أو هيكلية أو اقتصادية، يجب عليه أن يبلغ بذلك  لمندوبي العمال قبل شهر على الأقل من بداية مسطرة الطرد، و أن يعطيهم المعلومات عن أسباب الطرد وعدد المهددين به وفترة الشروع فيه.

كما يجب على المشغل ان يستشير مندوبي العمال والتفاوض معهم لتدارس الإجراءات التي قد تحول دون الطرد أو تنقص سلبياته، بما فيه إعادة الإدماج في مناصب أخرى ( في مقاولة كثر من 50 عامل تقوم لجنة المقاولة مكان مندوبي العمال )،  و تسلم الإدارة نسخة من محضر التفاوض ونتائجه للمندوب

عند استقبال رب العمل لعامل يمكن أن يرافقه مندوب العمال

قبل طرد عامل، يجري الاستماع له في جلسة يحضرها مندوب العمال

إذا اراد المشغل، بمبرر  الاحتماء من أزمات دورية عابرة، اعادة توزيع مدة العمل السنوية، بشرط الا تتجاوز مدة العمل العادية 10 ساعات، عليه ان يستشير مندوبي العمال.

إذا اراد المشغل خفض مدة العمل العادية وجب عليه إبلاغ مندوبي العمال قبل اسبوع بالأقل من تطبيق الاجراء، وان يعطيهم جميع المعلومات حول ما يعتزم القيام به ونتائجه الممكنة. واستشارتهم في كل إجراء قد يحول دون خفض مدة الشغل العادية أو يخفف آثارها السلبية

إذا زاد تقليص مدة العمل العادية عن 60 يوما وجب اتفاق مع مندوب العمال  و إلا وجب ترخيص من عامل الاقليم.

 استشارة مندوبي العمال :

يستشار مندوب العمال اذا اراد المشغل تمديد فترة الشغل اليومية  لاستدراك الساعات الضائعة عند توقف الشغل لأسباب عارضة أو قوة قاهرة .

استشارة مندوبي العمال عند استدراك ساعات العمل الضائعة بسبب يوم العطلة و عند تحديد تواريخ العطل السنوية

عدد المندوبين معيار تمثيلية النقابة

ان معايير النقابة الأكثر تمثيلية على الصعيد الوطني هو تحقيق 6 بالمائة بالأقل من مندوبي القطاع الخاص ومن معايير النقابة الأكثر تمثيلية في المقاولة تحقيق نسبة 35 بالمائة من المندوبين

اشتغال مؤسسة  مندوبي العمال:

– الاجتماع الشهري  مع المشغل: يجب على المشغل ان يستقبل مندوبي العمال جماعيا مرة في الشهر بالأقل.

– الاجتماعات الاستثنائية: يستقبل المشغل المندوبين في حالة الاستعجال بطلب منهم

– المذكرة المكتوبة: يسلم المندوبون للمشغل مذكرة مكتوبة حول موضوع طلبهم يومين قبل استقبالهم.

– السجل: يجب تسجيل شكايات المندوبين وجواب المشغل عليها، الواجبة في اجل 6 ايام، في سجل  خاص يوضع رهن اشارة العمال يوما واحدا كل اسبوعين خارج اوقات العمل. ورهن اشارة مفتش الشغل بشكل دائم.

 وسائل عمل مندوب العمال:

ساعات تفرغ: يعطي المشغل كل مندوب عمال مدة لممارسة دورهم محددة في  15 ساعة في الشهر، تعتبر وقت عمل.

يمكن للمندوب ان يتنقل في تلك الساعات في أماكن العمل للقيام بدوره، بشرط الا  يعرقل عمل الاجراء

المقر: يجب على المشغل ان يوفر لمندوبي العمال مكانا للقيام بوظيفتهم.

السبورة: يمكن لمندوبي العمال عرض المعلومات  التي يريدون ايصالها  الى العمال، وذلك في الأماكن التي يوفرها  المشغل

يمكن استعمال كل وسائل الاخبار الاخرى باتفاق مع المشغل.

أنواع عقد الشغل

قانون الشغل:أنواع عقد الشغل 

.

اليوم غادي نهضرو  على أشكال عقد الشغل أو نقدرو نقولوا أنواع عقد الشغل . 

إذا عقد الشغل يقدر يكون عقد محدد المدة أو غير محدد المدة : 

1- عقد الشغل محدد المدة : هو عقد كتكون فيه المدة ديال أداء عمل معين محددة (مثال : واحد الشخص تعاقد مع مقاولة معينة لمدة 5 سنوات .. إذا هذا عقد شغل محددة المدة لأن العمل فيه كيسالي مني كتسالي المدة ديالو ) .

2- عقد شغل غير محدد المدة : هو العقد لي كنكونو عارفين وقتاش كيبدا ولكن مكنعرفوهش وقتاش ايسالي .. وهاد النوع من العقود هي المبدأ العام بينما العقود محددة المدة كتشكل غير استثناءات ممكن ان تقع في حالات حددها المشرع وانشوفوها من بعد .

3- فترة الاختبار : هي ديك الفترة لي كيجرب فيها المشغل الأجير كيشوفو واش ذو كفاءة في أداء عمله أو غير عصايري .. وهاد فترة التجربة تقدر تكون في العقود محددة المدة والعقود غير محددة المدة .

بالنسبة للعقود محددة فترة الاختبار كتكون قصيرة علاش ؟ لأن العقد محددة المدة وبالتالي ميمكنش لينا نطولو في مدة التجربة . 

بالنسبة للعقود غير محددة المدة كتكون فترة الاختبار طويلة وهي كما حددها المشرع في المادة 14 : 

-الأطر : 3 أشهر 

-المستخدمون : شهر ونصف 

-العمال : 15 يوم . 

==> إلا بغا المشغل ينهي العقد في فترة التجربة كينهيه عادي ومكيترتب عليه حتى تعويض لأنه اصلا غير فترة تجربة ولكن كاين واحد الاستثناء جابو لينا المشرع وهو أن الأجير إلا دوز أسبوع في المقاولة وخلال فترة الاختبار كيستحق "أجل الإخطار " بمعنى أن المشغل خاصو يعلم الأجير بمدة قبل مينهي عقد الشغل وهاد المدد ديال أجل الإخطار كلها واردة في المادة 13 : 

-العمال : يومين 

-الأطر والمستخدون : 8 أيام 

........................................

بالنسبة للعقد محددة المدة : هو عقد كنعرفوه وقتاش ايبدا و وقتاش ايسالي إما بالنظر لمدته أو طبيعة عمله .

وميمكنش للمشغل يدير مع الأجير عقد محدد المدة إلا متوفراتش الشروط لي جابتها المادة 16 :

-الشرط الأول : إحلال اجير محل اجير آخر (مثلا اجيرة حاملة اتستافد من 14 أسبوع ديال الراحة هاد 14 أسبوع مغاديش يبقى المكان شاغر حتى ترجع كيخدم المشغل اجير معين بمقتضى عقد محدد المدة حتى تجي الأجيرة ) 

-الشرط الثاني : ازدياد نشاط المقاولة بكيفية مؤقتة (المقاولات لي الخدمة عندهم موسمية.

الفحص المضاد contre visite

 #الفحص_المضاد 

مثلا مرضتي لمدة 10 ايام تتجيب شهادة طبية لطبيب اللي دايرو المشغل ديالك ، تيقوليك طبيب انت خاصك فقط 3 ايام 

و لكن هادشي راه فشكاااااال و عجيييب .

 اول حاجة كونطر فيزيط تيديرها طبيب يتم إنتدابه و يجب عليه التنقل الى مقر سكن الأجير للقيام بالفحص المضاد اما طبيب  اللي دايرو المشغل  تيخلصو المشغل فهو يمتثل لاوامره عادي جدا يقوليك اجي تخدم انت ممريضش .

##ثاني حاجة الا مشاو دارو ليك فحص مضاد و قالو ليك انت فقط تتمارض و لست مريضا بالفعل عاود سير عن طبيب أخر و سيفط ليهم شهادة طبية بالمفوض تؤكد انك مريض 

مع الاشعار بالتوصل.

التسديد المبكر للقرض البنكي

 التسديد المبكر للقرض 

المادة 103

يجوز للمقترض بمبادرة منه أن يقوم في أي وقت و دون تعويض بالتسديد المبكر لمبلغ القرض الممنوح له كله أو بعضا منه، و يعتبر كل شرط مخالف لذلك باطلا بقوة القانون.

لا تطبق أحكام الفقرة الأولى على عقود الإيجار ما عدا إذا كانت هذه العقود تنص على أن سند الملكية سينقل في النهاية إلى المكتري.

قانون حماية المستهلك .

طلب إغلاق الحساب البنكي

طلب ايقاف الحساب البنكي

                               الحمد لله وحده

الى السيد مدير وكالة …….

وكالة (مكان تواجد الوكالة )

لفائدة السيد ….. المزداد بتاريخ ….. الحامل لبطاقة التعريف الوطنية رقم ……. الساكن ب ………..

رقم الحساب البنكي: ……………..

سلام تام بوجود مولانا الامام

وبعد،

سيدي المدير ،

نظرا لظروف خاصة واستتنائية لم تعد تسمح لي بفتح حسابي لدى وكالتكم مما ارتأيت معه الى اللجوء اليكم من اجل اغلاق الحساب المذكور اعلاه بمجرد توصلكم بهذا الطلب.

وبالتالي التمس من وكالتكم تسجيل هذا الاعفاء من اليوم وبصفة نهائية ورسمية.

وفي انتظار ذلك تفضلوا مني سيدي فائق التقدير والاحترام والسلام.

امضاء:

رخص التغيب في مدونة الشغل

 المادة 274

يستفيد الأجير من رخص تغيب، بسبب أحداث عائلية، وتحدد مددها كما يلي:

1 – ##الزواج:

- زواج الأجير: أربعة أيام؛

- زواج أحد أبناء الأجير، أو أحد ربائبه: يومان؛

2 – ##الوفاة:

- وفاة زوج الأجير، أو أحد أبنائه، أو أحفاده، أو أصوله، أو أبناء زوجه من زواج سابق: ثلاثة أيام؛

- وفاة أحد إخوة، أو إحدى أخوات الأجير، أو أحد إخوة أو إحدى أخوات زوجه، أو أحد أصول زوجه: يومان.

3 – ##تغيبات أخرى:

- الختان: يومان؛

- عملية جراحية تجرى للزوج، أو لأحد مكفوليه من الأبناء: يومان.

الراحة الاسبوعية

 

الراحة الاسبوعية في مدونة الشغل المغرب

المادة 205

يجب تمتيع الأجراء براحة أسبوعية إلزامية تستغرق مدة أدناها أربع وعشرون ساعة، تحسب من منتصف الليل إلى منتصف الليل.

المادة 206

يجب أن تكون الراحة الأسبوعية يوم الجمعة، أو السبت، أو الأحد، أو يوم السوق الأسبوعي.

تعطى الراحة الأسبوعية في نفس الوقت لكل الأجراء المشتغلين في المؤسسة الواحدة.

المادة 207

يمكن للمؤسسات التي يقتضي نشاطها أن تظل مفتوحة باستمرار للعموم، أو التي قد يسبب توقف نشاطها ضررا للعموم، أن تعطي لأجرائها كلا أو بعضا، الراحة الأسبوعية بالتناوب فيما بينهم.

تسري أيضا أحكام الفقرة السابقة على المؤسسات، التي قد يؤدي أي توقف في نشاطها إلى خسائر، نظرا لكون المواد الأولية، أو المواد التي هي في طور التصنيع، أو المحاصيل الفلاحية التي يقوم عليها نشاطها، معرضة بطبيعتها للتلف أو سريعة الفساد.

المادة 208

يمكن للسلطة الحكومية المكلفة بالشغل، علاوة على الاستثناء المنصوص عليه في المادة 207 أعلاه، بعد استشارة المنظمات المهنية للمشغلين والمنظمات النقابية للأجراء الأكثر تمثيلا، أن ترخص للمؤسسات التي تتقدم إليها بطلب في الموضوع، في أن تمكن أجراءها من الاستفادة من الراحة الأسبوعية بالتناوب فيما بينهم.

يجب أن يكون الطلب مرفقا بجميع المبررات التي تمكن من تقدير مدى ضرورة الترخيص بالعمل بذلك الاستثناء.

المادة 209

يعطى الترخيص، وفقا للمسطرة الواردة في المادة 208 أعلاه وتبعا لما تمليه المصلحة الاقتصادية والتنافسية للمؤسسة، إذا كان الاستثناء المذكور في المادة 208 أعلاه، سيؤدي إلى تشغيل عدد كاف من الأجراء يمكن من تطبيق نظام الشغل الجديد بالمؤسسة.

المادة 210

تتولى السلطة الحكومية المكلفة بالشغل، بعد استشارة المنظمات المهنية للمشغلين والمنظمات النقابية للأجراء الأكثر تمثيلا، تحديد كيفية تطبيق نظام الراحة الأسبوعية، عندما يطلب ذلك ما لا يقل عن ثلثي المشغلين الموجودين في دائرة عمالة، أو إقليم، أو جماعة، أو مجموعة جماعات، أو حي معين، من جهة، وما لا يقل عن ثلثي الأجراء الذين يمارسون نفس المهنة، من جهة أخرى، إذا كان يوم راحتهم الأسبوعية يوما محددا، أو إذا كانوا يستفيدون من الراحة الأسبوعية بالتناوب فيما بينهم.

المادة 211

تحدد بنص تنظيمي، طبقا للمبادئ الواردة في المادتين 205 و206 أعلاه، وبعد استشارة المنظمات المهنية للمشغلين والمنظمات النقابية للأجراء الأكثر تمثيلا، التدابير الواجب اتخاذها بالنسبة للراحة الأسبوعية المستحقة لبعض فئات الأجراء، مع مراعاة الظروف الخاصة بشغلهم.

المادة 212

يمكن وقف الراحة الأسبوعية، في الحالات التي تبررها طبيعة نشاط المؤسسة، أو المواد المستعملة، أو إنجاز أشغال استعجالية، أو زيادة غير عادية في حجم الشغل.

تحدد بنص تنظيمي، بعد استشارة المنظمات المهنية للمشغلين والمنظمات النقابية للأجراء الأكثر تمثيلا، كيفية تطبيق أحكام الفقرة السابقة.

المادة 213

يمكن لكل مؤسسة تتيح لأجرائها قضاء راحتهم الأسبوعية في وقت واحد، أن تخفض فترة الراحة الأسبوعية إلى نصف يوم، للأشخاص المكلفين بجميع أشغال الصيانة، التي يجب أن تنجز بالضرورة في يوم الراحة الجماعية للأجراء، والتي تعتبر ضرورية لتفادي أي تأخير من شأنه أن يعرقل مواصلة الشغل بشكل عادي.

المادة 214

لا يطبق نظام وقف الراحة الأسبوعية على الأحداث دون سن الثامنة عشرة، ولا على النساء دون العشرين، ولا على الأجراء المعاقين، وذلك في الأحوال المحددة بنص تنظيمي.

المادة 215

يجب إعطاء الأجراء الذين تم وقف راحتهم الأسبوعية أو تخفيضها راحة تعويضية داخل أجل لا يتعدى شهرا.

تعادل مدة الراحة التعويضية المشار إليها في الفقرة السابقة، مدة الراحة الأسبوعية الموقوفة.

تخول الراحة التعويضية وفق الكيفيات التي تحددها السلطة الحكومية المكلفة بالشغل، بعد استشارة المنظمات المهنية للمشغلين والمنظمات النقابية للأجراء الأكثر تمثيلا.

المادة 216

يعاقب بغرامة من 300 إلى 500 درهم عن الأفعال التالية:

- عدم التقيد بإلزامية إتاحة الراحة الأسبوعية، أو عدم إتاحتها لجميع أجراء المؤسسة الواحدة، وفق الشروط المنصوص عليها في المادتين 205 و206 من حيث مدتها الدنيا واليوم المقرر لها، وتزامن وقت قضائها؛

- عدم التقيد بطرق تحديد الراحة كما نصت عليها المادة 210؛

- عدم التقيد بشروط تخفيض الراحة الأسبوعية كما نصت عليها المادة 213؛

- عدم التقيد بحظر وقف الراحة الأسبوعية في حق الأحداث الذين هم دون الثامنة عشرة والنساء دون العشرين والأجراء المعاقين كما نصت على ذلك المادة 214؛

- عدم إتاحة الراحة التعويضية أو إتاحتها على نحو يخالف أحكام المادة 215.

تتكرر عقوبات الغرامة بتعدد الأجراء الذين لم يراع في حقهم تطبيق أحكام المواد المذكورة، على ألا يتجاوز مجموع الغرامات مبلغ 20.000 درهم 

الفرق بين الفصل و المادة

  ما الفرق بين الفصل و المادة؟

الجواب :

الفصل يكون في القوانين ذات الطابع العام، بمعنى القواعد القانونية العامة والشاملة ( كقانون الإلتزامات والعقود، الدستور، قانون المسطرة المدنية ) وأما المادة فهي تخص بالأساس القوانين ذات الطابع الخاص-لايقصد من ذلك القانون الخاص بالمعنى الاصلي للكلمة- بمعنى قواعد تهم ميادين خاصة بما في ذلك قانون الشغل، الأحوال الشخصية،...( كمدونة التجارة، الحقوق العينية، قانون المسطرة الجنائية وغيرها من المدونات..).

هناك من سيقول أن احتواء المسطرة الجنائية على مواد عكس المدنية التي جاءت بفصول ! فالجواب، هو ان المسطرة المدنية شاملة وعامة، يعني ذات طابع عام، وأما المسطرة الجنائية  فهي تخص ميدان محدد  و هو الشق الجنائي.

إذن الفصول تكون في القوانين العامة و المواد تكون في القوانين الخاصة و لكن كيف أن ظهير الالتزامات والعقود قانون خاص و يحتوي على فصول ؟  

الجواب قد يكون في كون القوانين المدنية في العالم يتم تقسيمها إلى مواد حتى القانون المدني الفرنسي و التونسي    و هذا الأمر كان قبل 100 سنة ولم تكن في ذلك الوقت تطرح مسألة الفرق بين المادة و الفصل لكي ينتبه لها المشرع.

و الله اعلم.