قبل هدرنا على الشخص الداتي (personne physique) ليوم غادي نهدرو على الشركة ذات المسؤولية المحدودة SARL.
أول حاجة خصنا نعرفو بلي SARL فيها جوج ديال أنواع :
1 ا: (SARL'AU) : الشركة ذات المسؤولية المحدودة دات الشريك الواحد هاد نوع عدد الشركاء مكيفوتش واحد
2 ا: (SARL) : الشركة ذات المسؤولية المحدودة هاد نوع عدد الشركاء كيبدا من 2 و مكيفوتش 50 وإلا فات 50 خصها ضروري الشكل لقانوني ديال الشركة اتحول لشركة مجهولة ولمعرفا أيضا بإسم شركة المساهمة (SA) غادي نهدرو عليها من بعد.
تعريف : الشركة ذات المسؤولية المحدود:
ا- SARL هي شركة تجارية كتشكل وسيط ما بين شركات الأشخاص و شركات رؤوس الأموال، رأس المال (capital) كيتكون من حصص ( les parts sociales )، ولقيمة ديال هاد لحصص مخصهاش تكون قل من 10 دراهم.
ا- SARL كتاخد الصفة المعنوية فاش كتسجل فالسجل التجاري، الصفة المعنوية personne morale كتعني بزاف ديال الأشخاص و حتى الشركات كيخدمو مجموعين تحت إسم واحد باش احققو هدف واحد و لي هو الربح و هاد الشركاء كيكونو مسؤولين عن ديون الشركة بقدر حصصهم في رأس المال.
- وكتعتابر هذه الصيغة القانوني هي الأكثر شيوعا في المغرب.
تنويه : ( حتى الشركات اقدرو ادخلو شركاء (associé) ف SARL و اكون عندهم حصص (des parts sociales )
كيفاش كتخدم SARL : بزاف ديال ناس معرفنيش كيفاش كتخدم الشركة و من لمهم صاحب الشركة هاد مسائل:
-فايت لينا تكلمنا فالصفحة على الشخص الداتي (personne physique ) و قلنا بلي الممتلكات المهنية و الشخصية للمقاول،كيتعتابرو شيء واحد من الجانب القانوني، يعني لفلوس ديال الشركة و فلوس الشريك (l'associé) هما حاجة وحدة، فالشركة ذات المسؤولية المحدودة (SARL) كاين لعكس ديال هاد لهضرة بحيت كين فرق بين فلوس الشركة و فلوس الشريك (l'associé)، و إلى وقع شي مشكل فعدم الوفاء بسداد الديون و جا السيزي، لقانون كيسزي غير لممتلكات ديال شركة و مكيتدخلش فممتلكات الشركاء ولكن اقدر اتدخل غير فممتلكات ديال المسير الشركة (le gérant) فحالت تبوت إرتكاب ديالو لشي خطأ جسيم.
- خصنا نعرفو أيضا بلي الشريك (l'associé) عندو لحق اهز فلوس من شركة مرة وحدة فلعام فاش كيدار الجمع العام العادي (l'assemblée generale ordinaire ) كيتقرر شحال غادي اهز ديال فلوس (affectation de resultats) و كيخلص عليهم ضريبة ديال %15 و هدوك فلوس لي كيهز هما لأرباح (dividende) .
- و إلى هز فلوس من شركة وسط لعام وخا ديالو شركة راه كيتعتبر بحل الشركة سلفاتو فلوس و خاصو ارضهم لها من بعد، حيت كيبقاو بينين ف (le compte courant d'associé)، و لعكس إلى هو حط فلوس من جيبو يعني خلص شي حاجة على الشركة، كيتعتبر هو مسلف شركة و خص الشركة من بعد ترد ليه فلوسو.
-و إلى كان هو شريك و مسير فنفس الوقت (associé gérant) راه كتكون عندو أجرة (salaire) كيخدو كل شهر زائد لفلوس لي كيقدر اهز فلاخر ديال كل عام مرورا الجمع العام العادي، و كيكون عندو لحق ف CNSS ولكن إلى كان غير شريك و مشي مسير معندوش لحق ف CNSS.
ا- SARL اقدر اكون فيها كتر من مسير واحد (gérant et co-gérant).
باش مايكونش هادشي طويل بزاف فلمقال لي تابع هدا غادي نهدر على لإيجابيات و السلبيات ديال SARL.
يتبع ...
شكرا جزيلا على المعلومات. سؤال من فضلك: في حالت وجود عدة مسيرين للشركة، هل يتحمل كلهم المسؤولية في حالة خطأ في التسسير قام به احدهم ام المسؤولية تقع فقط على مرنكب الخطأ؟ وشكرا
ردحذف
حذفنعتذر عن التأخير بسبب ظروف شخصيةوشكرا :
إذا كانت المسؤولية الفردية أو الشخصية لا تثير إشكالات باعتبارها تصدر من مسير واحد يتحمل تبعة خطئه إذا تحققت شروط المسؤولية من خطأ و ضرر وعلاقة سببية بينهما، فإن الإشكال يفرض نفسه حالة الخطأ المشترك الصادر عن مسيرين متعددين، وإن كان مبدئيا أن كل واحد منهم يسأل بصفة فردية عن الأخطاء الصادرة عنه، إلا أنه إذا شاركوا في نفس الخطأ فإنهم يسألون بصفة تضامنية عن ذلك حيثفي هذه الحالةنكون أمام مسؤولية تضامنية يترتب عنها إشكالية تشطير المسؤولية خصوصا في حالة وجود التفاوت في جسامة الخطأ.
وتكون المسؤولية تضامنية عندما يتعدد المسيرون المسؤولون عن الضرر ويتعذر تحديد الفاعل الأصلي من بينهم، أو يتعذر تحديد النسبة التي ساهم بها كل واحد منهم في الضرر.
ولضمان العدالة والإنصاف في تحديد المسؤولية، وتحديد كل مسير شارك في الخطأ الذي ألحق ضررا بالشركة مسؤولية تناسب نسبة مشاركته في الخطأ والضرر الناتج عنها سمح المشرع في إطار المسؤولية بتحديد نسبة التعويض المدين بها كل مسير تبعا لنسبة مشاركته في الخطأ ومن ثم في الضرر اللاحق بالشركة.
لكن الإشكال المطروح هو ما هو المعيار الذي سيعتمد عليه القاضي في تحديد نسبة كل مشارك الخطأ. فلا شك أن القاضي سيجد صعوبة في القيام بهذه المهمة وحتى وإن قام بها فغالبا ما سيكون مجحف في حقوق البعض (المسيرين) ومغلبا لمصلحة البعض الآخر منهم.
ويترتب عن المسؤولية التضامنية للمسرين إعطاء الحق للمضرور في أن يعود على أي مسير وحده دون الآخرين لأداء مبلغ التعويض كاملا ولا يمكن لهذا المسير الدفع بتقسيم مبلغ التعويض على باقي المسيرين المسؤولين، بينما يحق له بعد أداء مبلغ التعويض أن يعود على هؤلاء كل بقدر مساهمته في القيام بالخطأ الذي على أساسة نتج التعويض.